HATAW! D'yaryo ng Bayan hatawtabloid.com
NABUYANGYANG ANG SEX VIDEO NI SHANE SA ISANG CONGRESSMAN ALAM NI EDNA NA GAWA ITO NG DEMONYO
“N-nanlalaki raw si Ate Shane, Miss Edna…”
“Ho?!”
“Opo, Miss Edna… At kalat na raw sa internet ang sex video ni Ate Shane at ng congressman na kalaguyo niya.”
“Kaninang umaga ay nai-download ko pa ‘yun… At ‘di talaga ako makapaniwala na si Ate Shane ang ka-partner ni Congressman,” singit ng dalagang kasambahay sa tiyahing kusinera.
Binanggit pa kay Edna ni Fatima kung gaano kalaswa ang napanood nitong sex scandal sa Youtube.
“Ganu’ng kagrabe ang sex video nila ni Congressman,” sabi pa ng tagapag-alaga ng batang ampon,
Nanlumo ang dalagang guro sa kanyang mga narinig. Sa isip niya, pati pala si Shane na pala-simbahin at dating may mabuting kalooban ay ‘di nakaligtas sa pambubuyo ng diyablo sa kasalanan.
“Sige, patayin mo ako… Bakit? Sa akala mo ba ay napakatanga ko para hindi malaman na nagkaroon kayo ng relasyon ng kasambahay nating si Bebang?” talak ni Edna kay Karl.
Pamaya-maya ay biglang ginulantang sina Edna, Fatima at Manang ng nakatutulig na tili ni Shane. Kasunod niyon ay malalakas na lagabugan. At alingangaw ng putok ng baril.
“A-ano ‘yun?” sabi ni Manang na nanlaki ang mga mata sa pagkagulat.
“B-baril… Baril ‘yun…” sabi ng dalagang kasambahay.
Napatakbong paakyat ng ikalawang pa-lapag ng bahay si Edna. Napasunod sa kanya ang magtiyahin.
(Itutuloy)
ni Rey Atalia
