Nakipag-sex sa unknown girl

 

Dear Señor H,

Nanaginip aq nkkpagsex dw aq, peo d q kilala yung grl, taz dw ay ngulat aq dhil bgla lumndol dw, medyo mgulo pngnip q e, ano po kya ibg sbhin ni2? Don’t post my cp # plz.. kol me romi ng iligan city.. tnx po!

 

To Romi,

Maaaring ang ibig sabihin ng iyong panaginip ay ang kawalan ng satisfaction sa iyong sex life kung ikaw ay may-asawa o kasintahan na. Kung wala naman, ang kahulugan nito ay ang kakulangan ng init o aksiyon sa iyong sex life. Sa kabilang banda, nagpapakita rin ito ng iyong agam-agam sa pakikipagrelasyon, lalo na kung ang pinagdaanang relasyon ay isang masalimuot na karanasan para sa iyo. Kung ikaw ay may asawa na, makabubuting mag-usap kayo nang maayos upang maresolba ang hindi pagkakaintindihan at anumang bagay na nagiging hadlang upang mas maging mabuti at punumpuno ng init ang inyong pagmamahalan. Pahalagahan ang bukas na komunikasyon at ang pagiging mahinahon sa isang relasyon dahil may gagampanang mahalagang bagay ito sa iyo. Sakaling single ka pa, maging maingat sa pagpili ng taong mamahalin.

Ang panaginip naman ukol sa lindol ay maaaring nagsasaad na ikaw ay nakararanas o makararanas ng malaking “shake-up” na magiging threat sa iyong stability at foundation. Ang ganitong uri ng panaginip ay kadalasang nagha-highlight sa iyong insecurity, fears, at sense of helplessness. May mga pagkakataon na ang nakakapanaginip nito ay nakadarama ng guilty feelings o may nagawang pagkakamali. Kung sa panaginip ng paglindol, ikaw ay nakahanap ng matataguan o mapapagkanlungan upang seguruhin ang iyong kaligtasan, ito ay nagpapahayag na malalagpasan ang mga darating na pagsubok. Kung ikaw ay nakaranas namang ma-trap o masaktan sa iyong bungang-tulog, posibleng nangangahulugan ito ng pagkawala ng ilang bagay sa iyong buhay. Ayon sa Bibliya, ang lindol ay simbolo ng galit ng Diyos at pagpapakita ng kapangyarihan. Kaya makabubuti rin na manalangin sa mga kasalanan at humingi ng kapatawaran sa Diyos at magbago ng hindi magagandang gawi.

Señor H.