Sibakan sa Barako
PAGKATAPOS ni coach Siot Tanquingcen na pinalitan ni Koy Banal, ilan ding mga opisyal ng Barako Bull ay sinibak din sa kani-kanilang mga puwesto dahil sa hindi malamang dahilan.
Ayon sa ulat ng www.spin.ph, tinanggal na sa Energy sina team manager Raffy Casyao, alternate governor Eric Noora, assistant team manager Jay Llanos Dee at Paul Chua ng team operations na anak ng team owner ng koponan na si George Chua.
Inanunsiyo rin ng Barako na si Reymark Rodriguez na ang bagong team manager ng koponan.
“Kakaupo ko lang kasi kaya hindi ko pa kabisado ang mga galaw sa team. May ibang development na hindi pa ako privy,” wika ni Rodriguez.”Please try to understand that I am still settling down. At hindi ko pa kilala si George Chua.”
Iniwan sa Barako sina team doctor John Lim, Michael Chua bilang head of basketball operations at governor Manny Alvarez.
(James Ty III)
