No toll increase sa Undas —LTFRB
SINIGURO ng Toll Regulatory Board (TRB) na walang iindahing dagdag-singil ang mga motoristang dadagsa sa pitong expressway ngayong Undas.
Napag-alaman, pinulong kahapon ng TRB ang tollway operators ng North Luzon Expressway (NLEX), Subic-Clark-Tarlac Expressway (SCTEX), Tarlac-Pangasinan-La Union Expressway (TPLEx), Skyway, South Luzon Expressway (SLEX), Southern Tagalog Arterial Road (STAR) at Cavitex.
Ayon kay Bert Suansing, consultant ng Road Safety and Traffic Concerns ng TRB, handang-handa na ang pitong expressway.
May sapat na aniyang ambulant tellers para maiwasan ang sobrang habang pila ng mga sasakyan habang tuloy-tuloy na ang pagpapatrolya ng traffic enforcers.
Nilinaw ng TRB na walang aasahang discount ang mga biyahero, ngunit wala ring toll increase.
Inaasahang dadagsa ang mga biyahero simula Biyernes ng tanghali hanggang sa Nobyembre 4.
