HATAW! D'yaryo ng Bayan hatawtabloid.com
SUGATAN ang isang tricycle driver makaraan barilin ng kalugar dahil sa kayabangan ng biktima habang sila ay nag-kukwentohan kahapon ng umaga sa Malabon City.
Kinilala ang biktimang si Hermino Prado, Jr., 34, residente ng #19 Lingkod ng Nayon, Brgy. Tugatog ng nasabing lungsod, isinugod sa Pagamutang Lungsod ng Malabon.
Habang nakapiit sa detention cell ng Malabon City Police ang suspek na si Danilo Cerano, nasa hustong gulang, ng P. Concepcion St., Brgy. Tugatog.
Batay sa ulat ni PO3 Jun Belbes, naganap ang insidente dakong 8 a.m. sa Tumariz St., Brgy. Tugatog, Malabon City.
Nagkukwentohan ang dalawa nang mayabangan ang suspek sa biktima.
Bunsod nito, binunot ng suspek ang kanyang baril at pinaputukan si Prado.
Bagama’t sugatan, mabilis na nakahingi ng tulong ang biktima sa Police Community Precinct (PCP) 4 ng Malabon City Police at naaresto ang suspek.
Rommel Sales
