HATAW! D'yaryo ng Bayan hatawtabloid.com
NASUNOG ang bahagi ng World Citi Colleges sa Biglang-awa St.,, Caloocan City kahapon.
Ayon kay Caloocan Fire Marshall Supt. Roel Jeremy Diaz, umabot sa ikalawang alarma ang sunog na sumiklab sa administration stock room sa ikawalong palapag ng eskwelahan.
Inaalam pa ang sanhi ng apoy at ang halaga ng pinsala ng sunog na nakontrol dakong 3:29 p.m. kahapon.
Dahil sa insidente, kanselado ang pasok sa paaralan kahapon habang inaalam pa kung itutuloy ang klase sa ngayong araw, Miyerkoles, batay sa rekomendasyon ng Caloocan Bureau of Fire.
Ayon sa prinsipal ng paaralan na si Lydia Martin, walang staff o estudyante na nasaktan sa sunog.
