Japanese itinumba ng tandem
mPATAY ang isang Japanese national makaraan pagbabarilin ng hindi nakilalang mga salarin na lulan ng motorsiklo habang sakay ang biktima ng isang taxi kasama ang isa pang Hapones kamakalawa ng gabi sa Las Piñas City.
Nalagutan ng hininga habang isinusugod sa Las Piñas General Hospital & Satellite Trauma Center ang biktimang si Shinsuke Toba.
Ayon sa ulat ng pulisya, dakong 11:30 p.m. nang maganap ang insidente sa C-5 Extension Road, Brgy. Manuyo 2 ng nasabing lungsod.
Napag-alaman, pasahero ang dalawang dayuhan sa taxi na minamaneho ni Rodito Atibagos, 68, ng Tondo, Maynila, nang hilingin ng dalawang Japanese na ihinto ang sasakyan dahil iihi sila.
Nang ihinto ni Atibagos ang taxi ay agad sumulpot ang motorsiklong hindi naplakahan at pinagbabaril ng mga suspek ang biktima.
Sa matinding takot, ay mabilis na lumabas ng taxi at tumakbo ang isa pang Japanese na tumangging magpabanggit ng pangalan.
Jaja Garcia
