Got Talent winner todas sa rabies (Sa Agusan del Norte)

BUTUAN CITY – Dumulog sa municipal health office sa bayan ng Nasipit, lalawigan ng Agusan del Norte, ang mga kaanak ng isang local singer na namatay dahil sa rabies.

Ito’y bilang pagsunod sa payo ng attending physician ng 14-anyos biktimang si Rieven Joshua Cal, kampeon ng 2014 Nasipit Got Talent, at residente ng Purok Igpalas, Brgy. Culit ng nasabing bayan.

Ayon sa tiyahin ng biktima na si Brgy. Kagawad Emilinda Deloso, kinompirma sa kanya ng doktor ng biktima na may rabies ang dalagita base sa nakitang sintomas gaya ng panginginig at halos walang tigil na paglalaway.

Kamakalawa, naghihinagpis ang pamilya Cal at mga kaanak dahil inilibing ang biktima nang hindi man lamang nila nakita o kaya’y nayakap dahil hindi pinalapit sa selyadong kabaong ng biktima na binalot pa ng cadaver bag.

Pati ang nurses at ibang medical staff na nag-alaga kay Cal sa loob ng ospital ay pinabakunahan din upang makaiwas sa posibleng kontaminasyon.