Pasang Masda sa LTFRB: Pasahe sa jeep ibaba sa P8

HIHILINGIN ng grupong Pasang Masda transport group sa Land Transportation Franchising and Regulatory Board (LTFRB) na ibaba ang pasahe sa P8 kasunod ng rollback sa presyo ng petrolyo kamakalawa.

Ayon kay Pasang Masda national president Robert Martin, makikipagpulong sila kay LTFRB Chairman Winston Gines at pag-uusapan nila ang magiging kasunduan para hindi sila maagrabyado sakaling tumaas o bumaba ang presyo ng petrolyo.

Bukod dito, mas maigi aniyang may standard formula rin sila sa pagpapatupad ng dagdag pasahe kung tataas ang presyo ng petrolyo gayundin kung bumaba ito para hindi na tumagal at humaba ang proseso na dumaraan pa sa paghahain ng petisyon.