Kris Aquino, ‘di kaya ma-bad trip kay Daniel Matsunaga?

ni Nonie V. Nicasio

SOBRA ang saya ni Daniel Matsunaga nang tanghalin siya bilang Big Winner sa katatapos na Pinoy Big Brother All In ng ABS CBN. Kaya napaiyak siya nang i-announce na siya ang Housemate na nagwagi sa Bahay ni Kuya.

“Sa tingin ko, kasi mahal na mahal ko kayo lahat. People think na hindi ako Filipino but I am so much more proud to be a Filipino in heart than many others out there na hindi proud sa country. I am a true Filipino. Dahil sa pag-ibig n’yo sa akin,” wika ng actor-model.

After PBB, posibleng gumawa raw si Daniel ng dalawang pelikula at isang soap-opera sa ABS CBN. Nang usisain kung sino ang aktres na gusto niyang makapareha? Sina Kim Chiu, Anne Curtis, at KC Concepcion daw ang naging sagot ni Daniel.

May mga nagtanong tuloy sa amin kung hindi raw kaya ma-bad trip si Kris Aquino sa sinabing ito ni Daniel dahil hindi isinama ng PBB Big Winner ang pangalan ni Tetay?

Anyway, sa mga hindi nakaaalam, inamin ni Daniel na nag-audition din siya noon sa Big Brother sa Brazil, ngunit hindi pinalad na makapasok doon.

At dito nga siya sa ‘Pinas biniyayaan ng suwerte para tanghaling Big Winner sa PBB All In.