HATAW! D'yaryo ng Bayan hatawtabloid.com
CEBU CITY – Dalawa ang patay habang 12 ang sugatan nang maghagis ng hand grenade ang isang amok habang ipinagdiriwang ang araw ng pagkakatatag ng bayan ng Trinidad pasado 4:30 p.m. kamakalawa sa loob ng public market sa lalawigan ng Bohol.
Ayon kay Supt. Joie Yape, Jr., tagapagsalita ng Bohol Provincial Police Office, nagdiriwang ang mga residente nang ihagis ni Dinoberto Fuentes, residente ng Purok 7, Brgy. San Vicente, ang granada na agad sumabog.
Agad binawian ng buhay sa insidente ang dalawang biktimang sina Nestor Bernales at Fidela Cajes Macua, tindero ng naturang palengke.
Habang kritikal ang kondisyon ng tatlo sa 12 nasugatan sa insidente.
Mabilis na nahuli ng Trinidad Police si Fuentes na nakompiskahan ng ilang pakete ng shabu at marijuana.
Sinasabing lasing at nasa impluwensiya ng droga ang suspek nang ihagis ang granada.
ni BETH JULIAN
