Sentensiyador sa tupada todas sa tari ng manok (Panabong pumalag)

PATAY ang isang 68-anyos sentensiyador sa illegal na tupadahan makaraan aksidenteng tamaan ng tari nang biglang pumalag ang hawak na panabong sa Malabon City.

Hindi na umabot nang buhay sa Pagamutang Lungsod ng Malabon ang biktimang kinilalang si Ambrosio Gonzales, residente ng #148 Sanciangco St., Brgy. Catmon ng nasabing lungsod, sanhi ng sugat sa dibdib at tiyan.

Sa imbestigasyon nina PO2 Roldan Angeles at PO1 Junny Delgado, naganap ang insidente dakong 11:20 p.m. noong Agosto 25 sa isang bakanteng lote malapit sa bahay ng biktima.

Ayon sa ulat, naimbitahan ang biktima na maging sentensiyador sa patupada ngunit habang hawak ang manok na may nakakabit pang tari nang biglang pumalag ang panabong.

Dahil sa higpit ng hawak ng biktima sa manok ay tumama ang tari nito sa kanyang dibdib at tiyan.

Patuloy ang imbestigasyon ng mga awtoridad sa insidente upang matukoy kung sino ang nag-organisa ng nasabing illegal na tupadahan.

(ROMMEL SALES)