Sam, ‘di marunong makisama sa pamilya ni Jasmine?

ni Rommel Placente

[divider]

SABI ni Anne Curtis, hindi raw siya close kay Sam Concepcion na boyfriend ng nakababata niyang kapatid na si Jasmine.

Sa tanong kung nag-i-effort si Sam na maging close sa kanya, ang sagot ni Anne ay no comment. Meaning, hindi gumagawa ng paraan si Sam na maging close sa ate ng kanyang gf.

Mali roon si Sam, ‘di ba?

Dapat ay nakikipaglapit siya sa pamilya ni Jasmine. Hindi lang dapat siya maging close kay Jasmine kundi pati sa pamilya nito. Ganoon ang tradisyon nating mga Pinoy na dapat ay malapit ka rin sa pamilya ng iyong karelasyon.

Hindi na kami nagtataka kung bakit hindi boto si Anne kay Sam para kay Jasmine.