HATAW! D'yaryo ng Bayan hatawtabloid.com
ARESTADO na ang mastermind sa pagpatay sa international race car champion na si Enzo Pastor.
Kinilala ng QCPD-CIDU ang sinasabing mastermind na ang negosyanteng si Domingo ”Sandy” de Guzman III, naaresto ng pulsiya kamakalawa sa Muntinlupa City.
Inaresto si De Guzman makaraan siyang ikanta ng gunman sa krimen. Nakuha sa posesyon ng negosyante ang dalawang armas.
Habang kinilala ang gunman na si PO2 Edgar Angel, miyembro ng Pasay Police, umamin sa kanyang mga kabaro na siya ang pumatay kay Pastor noong Hunyo 12 sa kahabaan ng Congressional Avenue, Quezon City.
Inamin ni Angel sa mga pulis na ang naarestong negosyanteng si De Guzman ang siyang kumuha ng kanyang serbisyo para barilin si Pastor at P100,000 ang ibinayad sa kanya.
LOVE TRIANGLE
LOVE triangle ang sinisilip na motibo sa pagpatay sa international car razer na si Enzo Pastor.
Napag-alaman, ang naarestong negosyanteng utak sa pagpaslang na si Domingo ”Sandy” de Guzman III ay sinasabing may relasyon sa isang Dahlia Pastor na misis ng car racing icon. Samantala, ikinatuwa ng pamilya Pastor ang pagkaaresto sa gunman at mastermind sa pagpatay kay Pastor.
Sinabi ni Mr. Thomas Pastor, masaya ang kanilang pamilya sa naging development sa kaso ng kanilang anak.
Ayon sa ama ni Enzo, may nababalitaan na ang pamilya nila na may isyung third party ngunit wala silang nabalitaan direkta mula kay Pastor nang nabubuhay pa ang biktima.
Giit ng ama, hindi nagsasalita si Enzo sa kanyang mga magulang kaya hindi nila nalaman na may isyu.
MISIS SUSPEK
ITINUTURING na rin bilang suspek ng Quezon City Police District (QCPD) ang asawa ng international race car champion na si Ferdinand “Enzo” Pastor.
Ayon kay QCPD-CIDU chief Major Rodel Marcelo, batay sa mga ebidensiyang kanilang nakalap, maituturing na ring suspek ang asawa ni Enzo na si Dahlia Pastor.
Sinabi ni Marcelo, batay sa kanilang imbestigasyon, na-establish na ‘love triangle’ ang motibo sa pagpatay sa international race car icon.
Nabatid na may relasyon si Dahlia, ang asawa ni Enzo, at ang naarestong negosyante na kinilalang si Domingo “Sandy” de Guzman, itinuring na mastermind sa pagpatay kay Pastor.
Dagdag pa ni Marcelo, hinahanap na ngayon ng PNP si Dalia para sa imbestigasyon.
ni ALMAR DANGUILAN
