Pacquiao darating sa PBA draft
KAHIT hindi siya sumipot sa PBA Draft Combine noong isang araw sa Gatorade Hoops Center sa Mandaluyong, siguradong darating ang Pambansang Kamao na si Manny Pacquiao sa PBA Rookie Draft sa Linggo sa Robinson’s Place Manila.
Sinabi ng team manager ng Kia Motors na si Eric Pineda na maraming inaasikaso si Pacquiao bilang kongresista ng nag-iisang distrito sa Saranggani.
“Humingi kami ng exemption, kasi hindi kakayanin ng schedule ni congressman,” wika ni Pineda.
“Marami kasi siyang kailangang harapin sa kanyang mga consitituents ngayon sa Sarangani.”
Si Pacquiao ay magiging playing coach ng Kia sa darating na PBA season.
Ngunit dumating naman sa Draft Combine ang pinsan ni Pacquiao na si Rene.
“Pinayagan na namin kasi may mga training (para sa laban niya kay Chris Algieri) saka may commitment siya sa mga constituents niya,” ani PBA Media Bureau Chief Willie Marcial.
Kinabukasan ay lilipad si Pacquiao patungong Macau para sa pagsisimula ng press tour sa laban niya kay Algieri na gagawin doon sa Nobyembre. (James Ty III)
