Jed Madela pwedeng maging ghost singer ng mga female singer (Babaeng-babae ang boses!)

ni Peter Ledesma

Muling pinabilib ni Jed Madela ang TV viewers nang mapanood nitong linggo lang sa Sunday’s Best ng ABS-CBN ang 10th anniversary concert ng singer, sa Music Museum last month. Yes pagdating sa kanyang talent, ay wala ka talagang masasabi sa husay at galing ni Jed pang world-class talaga. At bongga! May itinatago pa palang ibang talent ang recording artist ng Star Records at ito ay ang panggagaya niya sa bo-ses ng mga popular female singer natin na sina Regine Velasquez, Jaya, Lani Misaluch atbp. Plakadong-plakado niya ang boses ng mga nabanggit at most applauded raw talaga si Jed sa number niyang ito during his concert. Kahit nga sa pagkanta ng teleserye themesong ay may kanta si Jed na girl ang boses niya na mala-Dulce ang dating. Korek! kung gugustohin niya ay pwede niyang gawing sideline ang mag-ghost singer sa mga female artist natin d’yan. Magaling gyud!