Gigi Reyes bantay- sarado sa Sandiganbayan
MAHIGPIT ang seguridad na ipinatutupad sa Sandiganbayan dahil sa pananatili sa kanilang hurisdiksyon ng akusado sa pork barrel scam na si Atty. Gigi Reyes.
Ayon sa Sandiganbayan sheriff, nagdagdag sila ng mga tauhan kompara sa regular duty upang matiyak na masusubaybayan ang sitwasyon ni Reyes.
Maging sa labas ng tanggapan ay nagtalaga ng dagdag na pwersa ang anti-graft court para matiyak na tanging ang mga awtorisadong personalidad lamang ang makapapasok sa bisinidad ng Sandiganbayan.
Ang PNP ay naglagay din ng mga tauhan na makatutuwang ng Sandiganbayan security.
