Barangay kagawad todas sa ambush

ISANG barangay kagawad ang tinambangan ng hindi pa nakikilalang gunman sa Barangay Parparia, Narvacan, Ilocos Sur, kamakalawa ng gabi.

Dalawang tama ng bala na tumama sa katawan ang umutas sa biktimang si Orlando Javier, Jr., kagawad sa nasabing barangay.

Sa ulat, nakaupo sa harap ng kanilang bahay si Javier habang kausap ang kapitbahay na si Luzviminda Aquino at isang teenager nang dumating ang suspek na armado ng M16 armalite riffle saka agad pinaputukan ang biktima.

Blanko ang pulisya sa motibo ng pamamaslang lalo’t wala pang natutukoy na suspek sa insidente. (Beth Julian)