2 ABB-RPA dedbol sa tandem

NAMATAY ang dalawang hinihinalang dating lider ng Alex Boncayao Brigade-Revolutionary Proletarian Army (ABB-RPA) nang pagbabarilin ng riding-in-tandem sa Alabang Public Market, Muntinlupa, kamakalawa ng gabi.

Kinilala ang mga biktimang si George Acero, 54 , alyas Ka George, namatay habang ginagamot sa Ospital ng Muntinlupa sanhi ng tatlong tama ng bala. Hindi pa batid ang kalibre ng baril habang ang kasamahan na si Romeo Dacles, alyas Ka Joey ng Ayala Alabang, ay namatay sanhi ng tama ng bala ng baril sa likod na tumagos sa dibdib.

Sa report ng pulisya, tinambangan ang dalawa sa Alabang Public Mraket habang sila’y nakatayo nang lapitan ng dalawang armadong lalaki na magkaangkas sa motorsiklo dakong 6:00p.m.

(JAJA GARCIA)