Kelot natuhog sa kawayan, tigbak (Freak accident )
PATAY ang isang lalaki nang matuhog ng kawayan sa tiyan habang lulan ng tricycle sa Maasim, Iloilo kamakalawa.
Nakasakay ang biktima sa tricycle na bumangga sa isang truck na may kargang kawayan na tumusok sa kanyang katawan.
Napag-alaman, pinutol ang kawayan para makuha ang katawan ng biktima ngunit idineklarang dead on arrival sa ospital.
Sinasabing walang warning device ang nakaparadang truck na may kargang kawayan kaya hindi agad nakita ng driver ng tricycle na kapatid ng biktima.
Inaresto ng mga pulis ang driver ng truck ngunit nagkasundo na hindi na maghahain ng kaso ang pamilya ng biktima.
