Saturday , April 5 2025

Chinese teacher ‘binugbog’ sa airport (BI NAIA confidential agent under hot water)

050714_FRONT

ni  Jerry  Yap

PINAG-AARALAN nang sibakin ang isang Immigration confidential agent (CA) na natukoy sa isang recorded video shot na siyang kumaladkad, nanampal at nambugbog sa isang lady Chinese national na pinigil pumasok sa bansa kahapon ng madaling araw.

Sa isang recorded video shot na kumalat sa internet, nakitang kinakaladkad ni Immigration confidential agent Rashid Rangiris ang isang babaeng dayuhan na kinilalang si Jiang Huiyiang dakong 2:30 a.m. kahapon sa Ninoy Aquino International Airport  (NAIA) Terminal 3.

Ayon sa mga kasamahan ni Rangiris, na tumangging magpabanggit ng pangalan, si Jiang ay nabistong nagtatrabaho bilang teacher sa Xavierville School ngunit wala siyang permiso o work visa para magtrabaho sa bansa.

Dahil dito, kinailangan siyang agad ipa-deport palabas ng bansa o pabalikin kung saan siya nagmula.

Ngunit naging matindi ang pagtutol ng babaeng Chinese, nagwala hanggang kagatin ang CA na si Rangiris.

Sa pagkakataong ito, kinaladkad umano ni Rangiris si Jiang patungo sa Immigration isolation room para mapigil ang kanyang pagwawala.

Pero patuloy na nanlaban ang babae hanggang makita sa video na sinungalngal, sinampal at itinulak siya ng Immigration agent sa tinukoy na isolation room sa  NAIA T3.

Dahil sa kumalat na video sa social network sites agad pinaimbestigahan ni Immigration Commissioner Siegfrid Mison ang insidente at nakipag-ugnayan sa Chinese Embassy dahil sa pagtutol ni Jiang na siya ay ipa-deport.

Isinusulat ang balitang ito, nabatid na nanatili si Jiang sa isolation room ng Immigration Intelligence Unit sa NAIA.

Habang iniimbestigahan naman ang inasal at pananakit ni Rangiris sa dayuhan.

 

 

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

MNL City Run Presents Elorde The Flash Run 2025 – Run Like A Champ FEAT

MNL City Run Presents: Elorde The Flash Run 2025 – Run Like A Champ

Unleash Your Inner Champion, Run for a Cause! Get ready to lace up, push your …

Alas Pilipinas Maganda ang simula sa AVC Beach Tour

Alas Pilipinas Maganda ang simula sa AVC Beach Tour

NAGSIMULA ng maganda ang Pilipinas sa Rebisco Asian Volleyball Confederation (AVC) Beach Tour Nuvali Open …

NAITAS DOT magkaakibat para sa Takbo Para Sa Turismo

NAITAS, DOT magkaakibat para sa “Takbo Para Sa Turismo”

ANG National Association of Independent Travel Agencies (NAITAS) at ang Department of Tourism (DOT) ay …

Rosales Pangasinan Fire Sunog

Sa Rosales, Pangasinan
INA, 10-ANYOS PIPI-BINGING ANAK PATAY SA SUNOG MULA SA POSTE NG KORYENTE

ISANG 30-anyos ina at 10-anyos anak na babaeng pipi at bingi ang namatay sa sunog …

DENR, LGU kinalampag sa illegal resort construction sa Bohol

DENR, LGU kinalampag sa illegal resort construction sa Bohol

SUMIKLAB ang galit ng mga lokal na residente kaugnay sa viral video ng isang backhoe …

Leave a Reply

Your email address will not be published. Required fields are marked *