BIR kay Pacman: Tax case huwag isipin sa laban

ILANG araw bago ang nakatakdang rematch ni Manny Pacquiao kay WBO welterweight champion Timothy Bradley Jr., nagbigay ng kanyang “good luck” wish si Bureau of Internal Revenue (BIR) Commissioner Kim Henares sa Filipino ring icon.

Ayon kay Henares, malaki ang tiyansa ni Pacquiao na manalo kontra kay Bradley basta’t huwag isipin ang kanyang kinakaharap na kasong tax evasion.

Sa katunayan, hangad din ni Henares ang panalo ni Pacman bagama’t hindi siya manonood ng inaabangang rematch.

Magugunitang naging kontrobersyal ang dating pound-for-pound king dahil sa kanyang P2.2 billion tax case.

Gaganapin ang Bradley-Pacquiao rematch sa Linggo, April 13, sa MGM Grand Garden Arena, Las Vegas, Nevada.

(LANI CUNANAN)