HATAW! D'yaryo ng Bayan hatawtabloid.com
CAGAYAN DE ORO CITY – Patuloy na iniimbestigahan ng mga operatiba ng Philippine Drug Enforcement Agency (PDEA-10) ang isang babae na nahuli sa delivery entrapment operation sa loob ng department store sa lungsod ng Iligan kamakalawa ng gabi.
Kinilala ang suspek na si Ashlea Sambetore, residente sa nasabing lugar.
Ayon kay PDEA agent Ben Calibre, nakuha nila sa posisyon ng suspek ang isang kilo ng shabu na tinatayang may market value na umaabot sa P12 milyon.
Sinabi ni Calibre, ang suspek ay nagsilbing consignee sa package na ipinadala ng cargo company, na shabu pala ang laman.
Ayon pa kay Calibre, ang naturang suspek ay nasa priority target list ng ahensya. (BETH JULIAN)
