Entertainment editor na utol ng Pasay VM binantaan ng abogado

DUMULOG sa himpilan ng pulisya ang kapatid  ni Pasay City Vice Mayor Marlon Pesebre, para ipa-blotter ang natanggap na pagbabanta sa buhay ng kanilang buong pamilya.

Sa pahayag kay SPO1 Nestor Rubel ng Station Investigation and Detective Management Section (SIDMS) ng Pasay police, sinabi ni Ruben  Pesebre y Roldan, nasa hustong gulang,  Engineer, ng 72 Almazor St., Nichols, tinawagan siya ni Atty. Ferdinand Topacio noong Marso 31 sa kanyang tinutuluyang condominium sa Brgy. Sto. Niño, Marikina City at pinagbantaan siya at ang buo niyang pamilya.

“Itigil mo ‘ang construction ng Voshe, ayusin mo ‘yan before or on April 7 or ipapapatay kita at ang buong pamilya saan man kayo magtago, at lumayas na kayo sa condo,”   ang sinabi ng abogado  nang tawagan siya (Pesebre) dakong 3:00 ng hapon.

Dahil sa takot sa mga  pagbabanta ni Atty. Topacio, agad siyang komunsulta sa abogado na nagpayo sa kanyang i-report ang pangyayari sa pulisya.

Si Ruben Pesebre ay isa rin entertainment editor ng People’s Journal na kilala sa pangalang Butch Roldan. (JAJA GARCIA)