Saan kumukuha ng kapal ng mukha si PO2 Rene “iPHONE” Lagrimas ng MASA!?

May ilang linggo na ang nakararan nang ilabas natin ang isang nakagigigil na reklamo ng isang grupo ng sibilyan na kinursunada, binugbog at pinagbantaan ng grupo ng mga ‘abusadong’ pulis na miyembro ng MASAMA ‘este’ MASA  (Manila Action Special Assignment).

Ito ay walang iba kundi si PO2 RENE LAGRIMAS, na siyang itinuro ng pobreng biktima na nambugbog sa kanya sa Cowboy Grill sa Ermita, Manila.

Matapos maghasik ng lagim si PO2 Lagrimas sa nasabing bar ay bigla raw kumaripas ng takbo nang matunugan na may paparating na responde mula sa MPD PS-5.

Anyway, nagkaharap na ang biktima at si PO2 Lagrimas sa MPD-GAS (General Assignment Section) at nangako pa raw sa harap ng imbestigador na aaregluhin na lang ang kanyang biktima.

Isa sa ipinangako n’ya ay ibabalik o papalitan na lang ang naeskoba nilang iPhone sa biktima.

Ang pangako ni PO2 Lagrimas ibabalik ang iPhone sa loob ng dalawang linggo sa biktima pero pangakong napako!

Mukhang wala na ‘atang balak si kamoteng PO2 Lagrimas na isoli ang iPhone ng biktima.

MASA chief, Major  Bernabe Irinco, kahit katropa n’yo sa Waray-Waray group si PO2 Lagrimas ay hindi mo dapat kinokonsinti ang masamang gawain n’ya! Imbes disiplinahin ay mukhang pinoprotektahan mo pa ang kawalanghiyaan n’yang bata mo!?

Malaki ba ang napakikinabang mo kay Lagrimas Major Irinco?

By the way, PO2 Lagrimas, balita ko marami ka raw kinakausap na katoto ko para kausapin at pumadrino sa ‘yo para hindi ko na maupakan ang mga katarantadohan mo.

Sorry na lang PO2 Lagrimas, tablado ka!

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com