May ka-sex sa dream pero ‘virgin’

Dear senor,

Mdalas aqo mnaginip may ka sex dw ako, pero s totoo naman po, wala p aq xperience s sex, peo 20 n aq, msan nga napapaisip aqo qng gay kya aq? pro s dream q naman, babae dw ka sex q, isa pa po, sobra kasi aq mahiyain s babae, anu po kya meaning nito?  Don’t print my cp# po- joel.

To Joel

Ang panaginip ukol sa sex ay may kaugnayan sa psychological completion at ang pagsasama ng mga magkakasalungat na aspeto ng iyong sarili o pagkatao.  Maaaring senyal ito sa iyo upang mabatid na naghahanap ang iyong pisikal na bahagi o katauhan ng init at excitement ng sex.  Maaaring bunga rin ito ng repressed sexual desires, hindi mo ito mailabas sa reyalidad kaya lumalabas ito sa iyong panaginip na kadalasan, may bahagi o anggulong hindi maintindihan o nagsisilbing palaisipan. Dahil ikaw nga ay wala pang karanasan sa sex, kaya ganito ang tema ng iyong panaginip. Pero, hindi naman ibig sabihin o porke wala ka pang karanasan sa sex, basta-basta ka na lang sasabak upang ma-experience mo ito. Dapat mag-ingat at huwag maging padalos-dalos sa iyong sex life dahil maaaring maging mitsa ng habang buhay na pagsisisi sa iyong panig, ang ilang panandaliang adventures na maaaring kasadlakan mo. Malinaw kasi na ikaw ay naghahanap ng intimacy at closeness sa iyong sex life, ikaw ay naghahanap din ng physical at emotional love. Hayaan mong kusa itong dumating at hindi iyong ipinipilit,. Tandaan mo rin na kailangan kang laging maging respon-sable sa buhay, lalo na pagdating sa sex. Hinggil naman sa iyong seksuwalidad, ikaw lamang ang makaka-alam ng iyong sexual preference, kaya huwag mong husgahan ang iyong sarili lalo’t wala kang sapat na batayan upang isiping ikaw ay isang gay. Makabubuti kung dadagdagan ang pakikihalubilo sa opposite sex, dahil maaaring maging susi ito para maalis o mabawasan ang iyong pagiging mahiyain.

Señor H.