Kumidlat at may Cobra sa dream

To senor H,

Nanaginip ako kumikidlat dw, tas maya2 may lumabas na kobra at tinuklaw ako, nagdugo dw ng marami, ano kaya meaning ni2, pls wait ko ang sagot mo sir, slamat, don’t post my CP jst kol me mrtechie2014..

To Mrtechie2014,

Ang iyong panaginip ukol sa kidlat ay may kaugnayan sa sudden awareness, insight, spi-ritual revelation, truth at purification. Alternatively, ang kidlat ay maaaring nagsasaad ng shocking turn of events. Maaari rin na nagbababala ito na may forces na nakakasakop sa iyo na maaaring maging destructive at mag-alis ng kontrol mo sa iyong sariling buhay.  Posible rin naman na simbolo ito ng irreversible changes na mangyayari sa iyong buhay, na magiging daan upang magpabago sa iyo.

Ang kobra sa panaginip ay nagre-represent ng creation at creative energies. May kaugnayan din ito sa ilang sitwasyon o relasyon na animo nahihipnotismo ka o ang nanana-ginip.

Ang dugo naman ay nagrere-represent ng life, love, at passion, pati na rin ng disappointments. Ito ay nagpapakita rin na maaaring ikaw ay dumaranas ng exhaustion o kaya naman, ikaw ay nakadarama na emotionally drain ka na. Ito ay maaari rin namang may kaugnayan sa ilang matinding komprontasyon sa pagitan mo at ng ilang mga kaibigan bunsod ng ilang mga bagay na nagawa sa mga nakalipas na pagkakataon. Ang ilang kababaihan kapag nagkakaroon ng buwanang dalaw, kadalasang nananaginip ng ukol din sa dugo- bago o pagkatapos ng kanilang menstruation. Subalit dahil ikaw ay lalaki, posible rin naman na may kaugnayan ang panaginip mo sa nararanasang guilt sa iyong damdamin.

Señor H.