Jumbo Plastic kampeon sa 3-on-3

NAGKAMPEON ang Jumbo Plastic Linoleum sa PBA D League Aspirants Cup 3-on-3 sa finals na ginanap noong Linggo sa Smart Araneta Coliseum bilang pampagana sa finals ng PBA Philippine Cup.

Naipasok ni Karl Dehesa ang kanyang isang puntos na lay-up sa huling 48 segundo upang sirain ang huling tabla sa 10-all at maibigay sa Giants ang panalo.

Kasama ni Dehesa sa Jumbo sina Jan Colina, Mark Romero at Harry Petilos.

Gumanti ang Jumbo sa pagkatalo nito sa Blackwater sa quarterfinals ng Aspirants Cup.

Naging kinatawan ng Elite sa torneo sina Bacon Austria, Andrew Avillanoza, Ken Acibar at Hyram Bagatsing.

Nanalo ang  Blackwater sa unang pagdaraos ng 3-on-3 noong isang taon.         (James Ty III)