HATAW! D'yaryo ng Bayan hatawtabloid.com
KULONG ang tatlong walang galang at pasaway na kelot makaraang pagmumurahin ang isang pari sa loob ng simbahan sa Caloocan City kahapon ng madaling araw.
Kasong trespass to dwelling at threat ang kinakaharap ng mga suspek na sina Junior Gonzales at Martin Osaya, na kapwa 21-anyos at Ryan del Mundo, 23-anyos, pawang residente ng Laong-Laan St., Maypajo.
Batay sa ulat ng pulisya, dakong 2:00 ng madaling araw nang maganap ang insidente sa loob ng Saint Joseph Church sa kahabaan ng Doña Rita St.
Nabatid na lasing ang tatlong suspek nang pumasok sa simbahan subalit nang makita ng pari na si Father Egar Guatero ay sinabihan sila na lumabas.
Dito nagalit ang mga suspek at pinagtulungang pagsalitaan nang masama ang pari dahilan upang tumawag sa pulisya at ipaaresto ang mga pasaway.
(rommel sales)
