Binatilyo niratrat sa sementeryo

PATAY ang 18-anyos binatilyo makaraang pagbabarilin ng isang  lalaki habang nakikipag-inoman sa ibabaw ng nitso sa loob ng Angono Public Cemetery kamakalawa ng gabi sa Angono, Rizal.

Kinilala ni Senior Supt. Rolando Anduyan, Rizal PNP provincial director, ang biktimang si John Carlo Awen y Pera, naka-tira sa #190 Baytown Road, Brgy. Kalayaan. Mabilis na nadakip ang suspek na si Vicen-te Vergel Ruego y Sabandal, 23, ng Fatima Village, Brgy. Palangoy, kapwa sa bayan ng Angono.

Sa imbestigasyon ni PO1 Nathaniel Lopena, dakong 10:30 p.m. nakikipag-inoman ang biktima sa kanyang mga kaibigan sa loob ng sementeryo nang duma-ting ang suspek saka pinagbabaril si Pera.

Pagkaraan ng insidente ay naaresto ng mga awtoridad ang suspek sa follow-up operation.

(ED MORENO)