Pulis-Maynila itinumba vendor nadamay

DALAWANG tama ng bala ang tumapos sa buhay ng isang pulis Maynila habang nadamay ang isang vendor matapos barilin ng hindi pa nakilalang suspek habang naki-kipagkwentohan sa mga vendor sa Binondo, Maynila.

Binawian ng buhay habang dinadala sa Mo-ther and Child Hospital ang biktimang si SPO4 Antonio Castillo, 55, nakadestino sa Miesic Police Station 11, at residente ng #265 Zaragosa Street, Tondo, Maynila.

Habang nilalapatan naman ng lunas sa Metropolitan Hospital si Romulo Jacinto, 36, vendor, ng #1849 Mayhaligue Street, Sta. Cruz, Maynila, tinamaan ng bala sa pige.

Mabilis na tumakas ang suspek lulan ng motorsiklong walang plaka.

Sa imbestigasyon ni SPO1 Rommel del Rosario, dakong 9:30 a.m. nang maganap ang insidente sa Tambacan Street, corner Ongpin Street, Binondo.

Nabatid na kausap ni Castillo ang mga vendor nang lapitan ng hindi nakilalang suspek at walang sabi-sabing pinaputukan ng dalawang beses sa katawan ang biktima ngunit minalas na tamaan ng bala si Jacinto.

Inaalam pa ng mga awtoridad kung ano ang motibo sa pamamaril.

(LEONARD BASILIO)