HATAW! D'yaryo ng Bayan hatawtabloid.com
MATABIL
ni John Fontanilla
HINDI pa ready ngayon ang ambassador ng Reverie by BeauTederm na si Jennylyn Mercado na magkaroon ng bagong anak lalo’t balak nitong gumawa ng panibagong serye ngayong taon at magiging abala sa promotion ng bagong album under Star Music.
Sa launching at contract signing ng Kapuso actress bilang newest ambassador ng Reverie ay ibinahagi nito na may nakaimbak silang embryo ni Dennis Trillo sa Texas na isang baby boy. Anytime na magdesisyon sila ni Dennis na sundan si Dylan ay gagamitin na nila iyon.
Tsika ni Jennylyn, “‘Yung naka-stock naming embryo, hindi pa namin alam kung sa ngayon, pero sana, sana. Sana hindi pa ako ganoon katanda ‘pag ginamit namin ‘yun.”
Dagdag pa nito, “Galing din naman po sa amin ‘yun, binuo lang ng siyensya.
“Pero kahit anong ibigay, kasi si Dylan naman isang malaking blessing ’yun na ‘di namin inaasahan. So kahit ano po,” sabi pa.
Nagdesisyon sila ni Dennis na magpa-freeze ng egg at sperm cells dahil nahihirapan siya magbuntis.
Sa ngayon ay career at pag-aalaga sa kanyang family ang pinagkakaabalahan ni Jennylyn at ‘di pa sumasagi sa kanilang isipan na sundan agad si Dylan.
Super blessed nga ito dahil sa support at pagmamahal na ibinibigay sa kanila ni Rei Anicoche-Tan(CEO & President ng BeauTederm) na ninang din ng anak nilang si Dylan.
Nagpapasalamat ito kay Ms Rei dahil kinuha siyang ambassador ng Reverie Air Fabric Freshener na 2018 pa lamg ay ginagamit na niya.
Ang Reverie ay may anim na variants-Café Aroma (Coffee) Rich, warm coffee scent for a cozy and energizing vibe; First Embrace (Green Tea) Fresh and calming green tea fragrance for a clean, relaxing space; Pure Serenity (Warm Vanilla) Sweet, creamy vanilla scent for a cozy and soothing atmosphere; First Nostalgia (Grapefruit Citrus) Bright and zesty citrus aroma that feels fresh and uplifting; Lily Lush (Matcha) Soft, earthy matcha scent for a calm and serene mood; at Cloud Whisperer (Cherimoya) Creamy, tropical fragrance with a sweet and dreamy feel.
