Arron Villaflor lalong dumami nagpapantasya

MARAMING beki ang nagpapantasya kay Arron Villaflor dahil talaga namang gwapo at flawless ang aktor/politiko. Subalit mas lalong dumami ang mga member ng third sex na gusto siyang matikman matapos lumabas ang sinasabing sex video scandal  niyon.

Ito’y kahit na nga nilinaw na ng aktor at board member sa Second District ng Tarlac na wala siyang video scandal, at ang pinagpipiyestahan ngayon ng publiko ay mga eksena sa mga ginawa niyang VMXmovies. 

Paliwanag pa ng aktor, ginamit din daw ng mga kalaban niya sa politika ang isyu ng sex video noong kumandidato siya last elections.

Sabi pa ni Arron sa isang panayam, “Okay ‘yan, nakatutulong sa akin. Alam mo sa panahon ngayon, you cannot really dictate whatever you want to that person kasi I really do believe na nobody can help you but yourself.”

Samantala, may natapos gawing pelikula si Arron na siya ang lead star. Ito ay ang action-suspense-drama na Pater Noster.

Makakasama niya rito si Kayley Carrigan, na kilala sa kanyang husay sa martial arts, acrobatics, parkour, fight choreography at specialized stunt techniques, at ang veteran character actor na si Archi Adamos.

Ilang beses nang napatunayan ni Arron ang kakayanan sa pagsasabuhay ng iba’t ibang karakter dahil sa dami ng nagawang primetime drama at pelikula. 

Ngayon, tiyak na mabibihag niya ang mga manonood sa ipakikitang lalim na emosyon bilang Peter.