HATAW! D'yaryo ng Bayan hatawtabloid.com
RATED R
ni Rommel Gonzales
APAT na taon na ang relasyon nina Elle Villanueva at Derrick Monasterio.
Pero ayon mismo kay Elle, hindi pa siya ready na magpakasal kay Derrick.
Lahad niya, “Parang hindi pa. Gusto ko pa ng achievement, more achievement pa.
“And contented. Actually contentment, may contentment na ako sa life.
“But then I feel like I wanna do more before I settle.”
May ideal na edad ba siya para mag-asawa?
“Alam mo, sabi ko noong una, by 24, gusto ko nang ikasal. Gusto kong magkaroon ng baby.
“Tapos naging 28. Tapos ngayon naging 30 na.
“Thirty, I just turned 30. So paiba-iba, eh. Alam mong mararamdaman mo naman when is the right time.
“I don’t want to dictate an age kasi ikaw lang ‘yung mape-pressure, ‘di ba? So iyon.
“Walang specific age for me sa ngayon, kung kailan ko lang mararamdaman.”
Kung si Derrick naman ang tatanungin, “Ako? Wala. Naka-base ako sa kanya,” reaksiyon ng Sparkle actor.
“It’s important for her to, to grow on her own, na ma-achieve pa niya ang mga dapat niyang ma-achieve.
“Siyempre, ako, patient lang naman ako. Basta I’ll do what I do.
“Gagalingan ko sa lahat ng bagay at ita-try kong maging… ita-try kong mag-save for our future.
“Para ‘pag ready na siya, ready na ako.”
Handa na ba si Derrick ngayon?
“Ah, ngayon, ready na ako,” mabilis na sagot ng binata.
Bida sina Elle at Derrick sa GMA Afternoon Prime series na Apoy sa Dugo na umeere na ngayon at napapanood mula Lunes hanggang Biyernes, 4:05 p.m..
