Sermon ng CBCP:
POLITIKO MAG-AYUNO, UMIWAS SA ‘PANGUNGURAKOT’

HINIKAYAT ng isang opisyal ng maimpluwensiyang Catholic Bishops’ Conference of the Philippines (CBCP) ang mga politiko na mag-ayuno at mangilin sa ‘pangungurakot’ sa pagsisimula ng kuwaresma ngayong araw, 18 Pebrero — Miyerkoles ng Abo.

Inihayag ni CBCP-Episcopal Commission on Public Affairs executive secretary Fr. Jerome Secillano sa isang panayam kasunod ng pormal na pagsisimula ng panahon ng kuwaresma.

“If you are a politician, you may want to fast from stealing, from acts of corruption,” ayon kay Secillano.

Kasabay nito, iginiit ni Secillano na ang pag-aayuno at pangingilin ay dapat na sinserong isagawa at hindi pakitang-tao lamang ngayong panahon ng kuwaresma.

Aniya, “It should not be for the sake of doing it or just for the show. It should have an internal effect such as conversion.”

Nanawagan din ang pari na bukod sa pag-aayuno at pangingilin, dapat din magkawanggawa.

Aniya, ang mga naturang praktis ay dapat na isagawa sa lahat ng pagkakataon at hindi lamang sa panahon ng kuwaresma.