Sexbomb Eira itinuloy concert kahit nadesgrasya

MATABIL
ni John Fontanilla

MARAMING netizen ang napabilib ni Sexbomb Eira Bermudez, dahil kahit naaksidente sa rAWnd 4concert nila sa MOA Arena noong Sabado ay  nag-perform pa rin ito sa RAWnd 5 ng Get, Get Aw! The Sexbomb Concert.

Post ni Eira sa kanyang Facebook.

“Keep moving forward.

“Bumagsak man ako kagabi at naaksidente pero babangon at lalaban tayo ngayon. 

I’m okay, nothing serious happened and I’m ready. The show must go on! See you later!

Hindi ako pinalaki ng SexBomb para bumawi— pinalaki ako para LUMABAN. .”

Sa buwis-buhay na production number ni Eira, hindi siya nasalo ng isang back up dancer, habang iwinawasiwas sa ere, kaya ang ending ay tumama ang mukha nito sa entablado.

Dinala ito sa ospital para matingnan. Mabuti na lang at hindi grabe ang pagkakatama ng mukha ni Eira sa entablado, kaya naman nagawa pa nitong mag-perform sa RAWnd 5 ng kanilang concert, lalo’t isa sa inaabangang production number sa Sexbomb concert.

After RAWnd 5 nga ay maraming netizens ang ‘di nakapanood kaya marami ang nagre-request na magkaroon ito ng RAWnd 6 at ‘yan ang ating aabangan.