Bombay itinumba sa Baseco (Naningil ng pautang)
PATAY ang isang Indian national nang barilin ng hindi nakilalang salarin habang naniningil ng pautang sa Baseco Compound, Tondo, Maynila kahapon ng umaga.
Kinilala ang biktimang si Kumar Narinder, 38, ng Lamayan, Sta Ana, Maynila habang mabilis na tumakas ang suspek.
Ayon kay PO2 Abdon Aceveda ng Manila Police District Homicide Section, dakong 9:00 ng umaga, naniningil ng pautang si Narinder sa harap ng isang bahay sa Block 15, Baseco Compound nang biglang sumulpot ang isang lalaki.
Agad umanong nagbunot ng baril ang suspek saka malapitan na ipinutok sa ilalim ng kanang tainga ng biktima na agad niyang ikinamatay.
Salaysay sa pulisya ng live-in partner ng biktimang si Fatimah, wala umanong kaaway ang kanyang mister na maaaring pagbintangan ng nasabing pamamaslang.
(leonard basilio)
