Wilbert inamin may pagkakataong hindi sila nagkakaunawaan ni Bea

RATED R
ni Rommel Gonzales

SUMIKAT si Wilbert Ross bilang miyembro ng all-male group na Hashtags ng It’s Showtime noong 2017 at naging artista rin sa ilang proyekto ng VMX, dating Vivamax.

At ngayon ay wholesome ang imahe ni Wilbert bilang ka-loveteam ni Bea Binene sa Golden Scenery of Tomorrow na Wattpad University series book ni Gwy Saludes.

Sobra-sobra ang pasasalamat ni Wilbert dahil silang dalawa ni Bea ang napili bilang mga lead character sa Golden Scenery of Tomorrow ng Viva One.

Kahanga-hanga ang pagpapakatotoo ni Wilbert sa pag-amin na kahit loveteam sila ni Bea, paminsan-minsan ay nagkakaroon din sila ng mga hindi pagkakaunawaan.

Aniya, “Sobrang thankful ko rin na si Bea ang loveteam ko sa series na ito.

“May differences po kami, pero tina-try namin na i-influence ang isa’t isa sa mga positive.

“Minsan sinasabihan ko siya, ini-encourage ko siya sa mga healthy things na dapat gawin.

“Tapos, lagi niya akong pinapakain sa set. Lagi siyang may ipinatitikim na pagkain sa akin.

“Okay naman po kami, we’re friends,” ang nakangiting pahayag ni Wilbert.

At ngayong sila nga ang magka-loveteam sinabi rin ni Wilbert na walang ilangan sa kanila.

 “Okay naman po kami sa working relationship namin,” saad ng binata, “magaan lang.

“Kasi before medyo may akwardness.

“Walang chance, kasi wala kaming scenes together sa other books,” pagtukoy niya sa ibang university series na ginawa na nila rati sa Viva One.

“Wala kaming masyadong chance to know more about each other. Ngayon po medyo kilala na namin ang isa’t isa sa mga bagay-bagay.”

Sa direksiyon ni Victor Villanueva, ang release date ng Golden Scenery of Tomorrow ay simula sa Oktubre 18 at may fresh episode weekly.

Kasama rito nina Wilbert at Bea  sina Heaven Peralejo, Marco Gallo, Krissha Viaje, Jerome Ponce, Hyacinth Callado, Gab Lagman, Aubrey Caraan, Lance Carr, Nicole Omillo, at Jairus Aquino

Eksklusibo ring mapapanood ang serye sa mobile app at sa www.vivaone.ph.

Maaaring i-download ang app at mag- subscribe via App Store, Google Play, or Huawei App Gallery.