Vice Ganda focus uli sa trabaho, MC at Lassy ‘di mawawalan ng raket

PUSH NA’YAN
ni Ambet Nabus

MAY mga nakausap kaming mga common friend nina meme Vice Ganda, MC, at Lassy.

Gaya namin ay umaasa ang mga ito na soon ay maayos din ang gusot ng tatlo.

Hindi man bumalik sa It’s Showtime ang dalawa pati na sa Vice Comedy Club, “mauuwi rin sa pagpapatawaran at acceptance ang mga iyan,” sey ng mga nasabing friend.

At dahil nakapagbakasyon cum retreat si Meme kasama si Ion Perez, “nakapag- charge uli siya at focus na uli sa maraming work kasama na ang concert with Regine (Velasquez) at mga bagong commercial shoot,” dagdag pa ng mga friendship.

“Batak din sa hirap at ginhawa, lungkot at saya sina MC at Lassy. Kering- keri rin nila ang makapag-adjust,” hirit pa ng mga ito sabay sabing, “malawak naman ang dagat para magkatrabaho sila. Maliit man ang showbiz sabi nga, pero kung marunong ka, maraming opportunities dito at hindi mawawalan ng raket ang mga gaya nila.”

Ganernnn!!!