Mahal na araw kina Sharmaine at Kitkat paano ginugunita?

MA at PA
ni Rommel Placente

TUWING sumasapit ang Mahal Na Araw, ang bawat isa sa atin ay may kanya-kanyang paraan kung paano isinasagawa/ ginugunita. ‘Yung iba ay nagbi-Visita Iglesia, may nagsasakripisyo sa hindi pagkain ng karne, may nagpapapako sa krus, may nagpipinitensiya, at iba pa.

Nag-chat ako sa award-winning actress na si Sharmaine Arnaiz at sa mahusay na komedyana at TV host na si Kitkat, kung paano nila isinasagawa ang Holy Week.

Narito ang kanilang kasagutan.

Ayon kay Sharmaine, “Holy week usually, nag-a-attend kami ng Pabasa sa fam ng inlaws ko sa Pasay. We do stations of the cross and Easter Mass sa Batangas, lalo kung nasa Anilao kami ng weekend. But maybe this Easter Sunday will be different, because 1st death anniversary ni Tita Bing (mother of Patrick Garcia, na pinsang buo ni Sharmaine). I’ll definitely want to be with my cousins that day.”

Sabi naman ni Kitkat, “Tuwing Mahal na Araw, simple pero makahulugan ang ginagawa naming mag-anak. Pinipili naming maging tahimik, mag-reflect, at magdasal bilang pasasalamat sa sakripisyo ni Hesus. Hindi kami nagkakakain ng karne tuwing Biyernes Santo, at nanonood kami ng mga palabas tungkol sa buhay at paghihirap ni Kristo, para mas lalong lumalim ang aming pananampalataya.

“Madalas din kaming magsindi ng kandila at magdasal bilang pamilya, lalo na tuwing gabi. Sa ganitong paraan, naipaliliwanag ko rin kay baby Uno, kahit paunti-unti pa lang ang naiintindihan niya, ang kahalagahan ng pagmamahal at sakripisyo.

“Ang Mahal na Araw para sa amin ay panahon ng pagninilay, paghilom, at pagpapasalamat.”