Friday , April 4 2025
Manny Pacquiao Jinkee Pacquiao

Pacquiao sa mga basher ni Jinkee: Hindi kami nagnakaw, pinaghirapan namin 

SHOWBIZ KONEK
ni Maricris Valdez Nicasio

“HINDI namin ninakaw, pinaghirapan namin.” Ito ang iginiit at nilinaw ng tumatakbong senador para sa 2025 election, Manny Pacman sa mga nangnenega/ namba-bash sa kanila ng asawang si Jinkee at mga anak.

Nag-uugat ang bashing kapag nagpo-post si Jinkee ng mga branded na gamit tulad ng mga sapatos at bag.

Hindi naman siya naaapektuhan niyon (bashing) dahil unang-una, hindi naman namin ninakaw ‘yung pera (na ipinambili ng mga signature item), pinaghirapan naman namin ‘yun.

“Proud kami na sa paghihirap namin, dugo at pawis ang puhunan, eh nakabili kami ng ganoon,” depensa ng boksingero nang ma-ambush interview namin pagkatapos ng press conference ng Alyansa Para sa Bagong Pilipinas noong Martes.

“And maging inspirasyon sana sa mga tao na kailangan nilang magsikap para matupad ‘yung mga pangarap sa buhay,” giit pa ng senatorial candidate ng Alyansa.

Samantala, umaasa si Pacman na manalo muli bilang senador. “I’m hoping na manalo ako at makabalik sa Senado at magawa ko ‘yung mga gusto kong gawin.”

Aniya, gusto niyang gumawa ng batas para magkaroon ng pondo para sa sustainable livelihood para sa mga mahihirap gayundin ang pagpapalakas ng micro, small and medium enterprises na makapagbibigay ng trabaho sa ating mga kababayan.

May plano rin siya sa entertainment industry pero hindi niya maitago ang pagkabahala  sa nangyayari sa entertainment industry dahil mas tinatangkilik pa ngayon ng mga Pinoy ang mga foreign artist lalo na ang mga Korean star.

“Makita natin sa EDSA, hindi na tagarito ‘yung mga laging ipino-promote natin, taga-ibang bansa na,” ani Pacman.

About Maricris Valdez Nicasio

Check Also

Yohan Castro Vehnee Saturno

Yohan Castro balik-showbiz, patuloy na lumalaban sa mga hamon ng buhay

ALAM MO NA!ni Nonie Nicasio AFTER two years ay itinuloy ni Yohan Castro ang kanyang …

Iñigo Pascual Allen Dizon

Iñigo Pascual bigay-todo sa pelikulang “Fatherland”

ALAM MO NA!ni Nonie Nicasio SA KABILA ng Hollywood stint ni Iñigo Pacual sa TV …

D Grind Outstanding Dance Group sa Best Magazine

D Grind Outstanding Dance Group sa Best Magazine

MATABILni John Fontanilla ITINANGHAL na Outstanding Dance Group of the Year sa Best Magazine 6th Faces …

Alden Richards

Alden walang balak sumabak sa politika

MATABILni John Fontanilla KALIWA’T kanan ang alok sa  Asia’s Multimedia Star at Kapuso prime actor …

Samahan ng Mga Makasalanan SM City Caloocan

Mga Makasalanan dinumog

RATED Rni Rommel Gonzales JAMPACKED ang Mall Atrium ng SM City Caloocan last Saturday (March …