Gabby, Jen, Max at iba pang Kapuso stars pinainit ang Sinulog Festival

RATED R
ni Rommel Gonzales

MAINIT ang naging pagtanggap ng mga Cebuano sa paborito nilang Kapuso stars na naki-join sa makulay na selebrasyon ng Sinulog Festival sa Cebu City last weekend. 

Tilian ang lahat ng fans nang lumabas sa stage sina Jennylyn Mercado, Gabby Concepcion, at Max Collins para ipakita ang inihanda nilang performances noong Biyernes, January 19. Bakas sa mga mukha ng marami na para bang dream come true na nakaharap at nakasalamuha nila ang paboritong artista sa Kapuso Fiesta na ginanap sa The Terraces, Ayala Center Cebu.

Binalot naman ng kilig ang Ayala Central Bloc dahil sa nakakikilig at very engaging na song and dance numbers nina Teejay Marquez, Royce Cabrera, Myrtle Sarrosa, at Kristoffer Martin. Imbes na kainisan dahil sa mga karakter nila sa isang, kinompleto pa nila ang araw ng fans noong January 20. 

Hindi pa nagtatapos d’yan ang naging regalo ng GMA sa mga Kapusong Cebuano dahil present din para maki- Pit Senyor noong January 21 sa SM City Cebu sina Ken Chan at Kazel Kinouchi, Kate Valdez, at Joaquin Domagoso.

Bongga talaga ang line-up ng GMA Regional TV kahit umpisa pa lang ng taon. Kaya naman tiyak marami pang dapat antabayanan ang mga Kapuso natin mula sa iba’t ibang region sa bansa.