Banggaan, parinigan ng mga noontime show aliw sa netizens

PUSH NA ‘YAN
ni Ambet Nabus

SA ilang araw din naming panonood ng tatlong noontime shows, masasabi talagang hindi maiiwasan ang magparinigan o may isyung biglang lalabas habang nagde-deliver ng spiels ang mga host.

Sa It’s Showtime, pinakanta nila ang batang si Jayce sa ‘Isip Bata’ portion nang biglang mag-dialogue si Jhong Hilario ng, “sa kabila ‘ata ‘yun,” referring to Kahit Maputi na Ang Buhok Ko na ini-request ng bagets. Remember ‘yung same song ng TVJ with Sharon Cuneta sa TV5 launch ng EAT?

Kung si Joey de Leon sa EAT ay nagagawang paglaruan din ang mga salita kaugnay ng helicopter at taas ng inabot nila sa ratings (pahaging sa ginawang pagsakay sa chopper ni Vice Ganda), may sarili ring estilo sina Paolo Contis at kasama sa Eat Bulaga ng TAPE Inc. May mga double meaning words din silang nabibitawan na para bang patama rin ang datingan.

Si Meme Vice nga, noong kasagsagan ng Awra Briguela issue ay may pahaging din sa anak-anakang Awra.

Pinag-chant niya kasi ang madlang pipol kasama si Anne Curtis, sort of resembling the act sa viral video nina Awra and friends noong pinaghuhubad nito ng pantalon ang lalaking nakaalitan nila. Sey ni meme, “very Poblacion.”

Sa recent hirit pa ni Joey sa portion nilang ‘Huwag Ganun’ (kagaya ng ‘Bawal Judgmental’) binitawan niya ang linyang, ‘Dito ay bawal ang judgmental, Bawal Judgmental, ay sa inyo yun!,’  habang nagbibigay payo sa mga kalahok. Which of course ay pang-asar sa Eat Bulaga ng TAPE Inc..

Hay, sa sobrang observant ng mga tao, napakadali talaga nilang pansinin ang mga kagayang senaryo kaya tuloy mapapa-pindot ka ng remote para panoorin ito hahaha.