HATAW! D'yaryo ng Bayan hatawtabloid.com
NANGUNGUNA si Atty. Alex Lopez sa isinigawang pre-election online survey ng Kabataang Bayanihan na tinawag na Juan Manila Rising: The Manila Mayoral Candidate nitong nakaraang 3 May0 2022.
Nakakuha si Atty. Alex ng 52% o 2,670 boto mula sa kabuang 5,163 lumahok sa naturang survey. Pumapangalawa si Vice Mayor Honey Lacuna na nakakuha ng 35.5%, sinundan ni Amado Bagatsing na may 5.6%.
Sinundan nitong araw ng Huwebes, 5 Mayo, ng isang Mayoral Forum kung saan nakapanayam si Atty. Alex Lopez ng student leaders mula sa iba’t ibang pamantasan sa Maynila.
Ang mga katanungan, hingil sa mga isyung nakapalibot sa mga kabataan at mag-aaral, kagaya ng traffic, youth programs, red-tagging, at iba pa.
Sa panayam, tinanong kung bakit pinili ni Atty. Alex Lopez ang house-to-house campaign kaysa ibang paraan ng pangangampanya. Mahalaga kay Atty. Alex na mahawakan ang mga tao upang maipadama niya ang kanyang puso at maipakita ang kanyang katapatan sa taongbayan.
Inimungkahi ni Atty. Lopez ang kahalagahan ng pagsasaayos ng ating pampublikong sasakyan. Sinabi niyang maganda ang isang pampublikong sasakyan kung ang mayayaman ang pipiliing sumakay dito.
Binigyan diin ni Lopez, hindi sapat ang pagbibigay ng training at kaalaman upang umasenso ang buhay ng isang tao. Kinakailangan din mabigyan ng mga sangkap o kagamitan upang magamit at magkaroon ng silbi ang kaalaman at mga natutuhang aral.
Sinang-ayunan ni Atty. Alex ang aktibismo kung saan binigyang diin na isa itong magandang senyales ng isang masigla at buhay na demokrasya. Tutol din si Lopez sa red-tagging dahil isang uri ito ng pangha-harass o panunupil. Pinapaboran niya ang karapatan ng mga mamamayan na mag-isip at magpahiwatig ng kanilang mga hinaing.
Ang patuloy na pag-angat ni Atty. Alex, ay dala ng kanyang pagiging tapang at puso para sa iba’t ibang sektor.
Si Atty. Alex lang ang may komprehensibong plataporma para sa senior citizens, kabataan, kababaihan, LGBTQIA+, manininda, tricycle drivers at operators, mga kapatid na Muslim, at sa mga maralitang tagalungsod.
Tunay na makataong pagbabago ang hinahangad ni Atty. Lopez para sa Lungsod ng Maynila at mamamayan nito. (HATAW News Team)
