HATAW! D'yaryo ng Bayan hatawtabloid.com
SOBRA ang saya ng award-winning indie actor na si Tonz Are dahil kahit na may pandemic pa rin ay sunod-sunod na naman ang dumating na projects sa kanya.
Una na rito ang masasabing biggest break niya so far, dahil bida si Tonz sa isang international movie.
Esplika ni Tonz, “Ang title po nito ay Diego Visayas, isang American movie na gagawin sa Philippines. I play the role of Diego Visayas, ang start ng shooting namin po ay by November or December po.
“Ito ay sa direksiyon ni Ren Wilson, a Filipino filmmaker. Ang producer namin is American, si sir Noe Rodriguez-na naka-base sa America. Ang istorya nito is about kay Diego Visayas, pero ‘di ko pa nakita iyong buong script.”
Pahabol pa niya, “Isa pa sa dahilan kaya ako masaya, kasama po kasi sa American movie na ito ang bunso kong kapatid na si Celso Are and iyong ibang mga alaga ko po sa workshop na Daydreamer babies.”
Kabilang din sa bagong pelikulang pagbibidahan niya ay ang Balud. Bale, parang prequel ito ng Rendezvous na tinampukan din ni Tonz.
“Sobrang happy ko po sa pagdating ng maraming projects. Kaya todo work-out ako ngayon para kapag nag-shoot na ay fit na ang body ko,” saad ni Tonz.
Aniya pa, “Iyong Balud, lead ako rito, mag-start na kami this October po, ilalaban po siya for film festival, sa direksyon pa rin po ni direk Marvin Gabas.
“Konektado rin po siya sa movie ko na Rendezvous, ipapakita kasi kung saan nagmula si Balud at muling umahon…
“Sa Rendezvous po ako nanalo ng mga award, I won four awards po rito. Best actor sa 1st Gawad Amerasia International in Hollywood, USA, Best Actor sa 1st SouthEast Asian International Achievement awards, Best Actor sa Star Buzz awards, at Best Supporting Actor sa Fifth Singkwento International Film Festival.”
Ang iba pang projects na aabangan kay Tonz ay ang online series na Plandemic, under Daydreamer Production and SIBIKATUWAAN under PMPPT Production ni Ms. Ayen Infante, sa direksiyon ni Marvin Gabas. Plus, ang Rom-Com na Quarantitas, sa pamamahala ni direk Madel Pacleb.
Excited din siya sa Film City Apps na ang launching ay ngayong October, dahil lahat ng pelikula ni Tonz ay mapapanood dito.
Hirit na pahabol pa ni Tonz, “I’m so blessed kasi ang dami kong endorsements. Nais ko pong pasalamatan si doc Abraham Culbengan ng A Beautiful Expression, Kishaki Essential, si sir Rheyniel Flores na founder/CEO ng Kishaki Essentials, VG’s Cebu lechon-kay mam Michelle Sanchez, Jades Shawarma, Princess de Pedro Milktea, Doc Elloraine de Pedro Abao, Minette’s Pharmacy, Five Beauty salon and spa, Street Clothing Company, Daydreamer Production, Takoyaki Sandkyodai, at Doc Vincent Lao.
“Don’t forget din po ang business kong Balud Milktea, Tonz Tapsilogan, and Artizent Perfumes,” nakangiting saad pa niya.
ALAM MO NA!
ni Nonie Nicasio
