Biñan council secretary, doktor todas sa ambush
PATAY ang kalihim ng Biñan City Council sa lalawigan ng Laguna, na si Edward “Edu” Alonte Reyes, at ang kasamang doktor, nang tambangan at pagbabarilin noong Linggo ng gabi, 4 Oktubre, sa Barangay San Antonio, sa bayan ng Biñan.
Miyembro si Reyes ng kilalang angkan ng mga politiko sa nasabing lungsod, at pinsan ni Biñan Rep. Marlyn Alonte.
Kinilala ang kaniyang kasama na si Don Deocaris, na nabatid ng pulisya na isang doktor.
Tinambangan sina Reyes at Deocaris habang sakay ng kotse ng hindi pa matukoy na mga suspek sa Jubilation Road malapit sa city government building dakong 7:30 pm noong Linggo.
Dinala ang mga biktima sa University of Perpetual Help Hospital sa Biñan ngunit idineklarang dead on arrival.
Sa parehong petsa noong 2017, nasugatan si Reyes at isa niyang bodyguard habang patay ang isa, sa isang pananambang matapos niyang lumabas sa government building.
