Kathryn Bernardo ‘di totoong buntis (Busy sa taping ng bagong teleserye)

ANG tanga mo na lang kapag nagpapaniwala ka pa sa ibinabalita ng mga blogger sa dilim (walang mukha at pawang audio lang) na walang ginawa kundi ang magbalita nang magbalita ng fabricated news laban sa ating mga sikat na celebrities. At iisa lang ang paborito nilang subject ‘buntis’ si ganitong artista.

Ang bagong biktima ng nasabing bloggers ay si Kathryn Bernardo na nagpa-ultrasound na raw ng magiging first baby nila ni Daniel Padilla. Well, for sure dahil peke nga ‘yung news ay hindi na ito ikina-shock ng mommy ni Daniel na si Karla Estrada at ina ni Kathryn na si Mommy Min (Luzviminda).

Saka paano nila nasabing buntis si Kath, e kasalukuyang nasa lock-in taping sila ng boyfriend na si Daniel para sa bago nilang teleserye sa Star Creative. Yes malapit nang matapos ang taping ng dalawa at kasunod nito ay gagawa naman sila ng pelikula sa Star Cinema. Huwag kasing i-patronize ang mga channel ng pekeng bloggers at mas mainam na manood sa mga credible na bloggers o kaya magbasa ng aming tabloid na HATAW, D’yario ng bayan No.1 sa Balita na pawang accurate ang mga showbiz balita.

VONGGANG CHIKA!
ni Peter Ledesma