Heaven Peralejo, binasag ang katahimikan — I didn’t ask anyone for money
SA pamamagitan ng kanyang Instagtam story noong Lunes, September 14, binasag na ni Heaven Peralejo ang kanyang pananahimik hinggil sa isyung humingi umano siya ng tulong pinansiyal mula kay Senator Manny Pacquiao, ama ng kanyang ex-boyfriend na si Jimuel Pacquiao.
Pero ang asawa raw nitong si Jinky ang nagbigay sa kanya ng ayuda. Pinadalhan daw siya nito ng P100k.
Dahil sa lumabas na balita, naiba umano ang pagtingin sa kanya ng mga tao at nasaktan siya.
Kaya naman sa kanyang IG story sinabi niya na, “The past few weeks have redefined the public’s impression of me. It was hurtful and I needed some time to think it through. I’ll get straight to the point, I didn’t ask anyone for money. I am beyond grateful that I am blessed with opportunities to earn an honest living. Whatever I have now is a product of my hard work and not extracted from anyone’s pocket.”
Pinasalamatan din ng aktres si Jimuel pati na rin ang Mommy Jinky nito dahil sa suportang ibinigay ng mga ito sa pamamagitan ng pagbibigay-linaw sa lumabas na isyu. Na ayon sa mag-ina ay walang katotohanan na nanghingi ng tulong pinansiyal si Heaven sa Pambansang Kamao.
At hindi naman pinadalhan ni Jinky ng P100K ang dating girlfriend ng panganay na anak.
Hindi rin kinaligtaang pasalamatan ni Heaven ang kanyang mga kapamilya, kaibigan, at tagasuporta.
MA at PA
ni Rommel Placente
