Jao, isinasalba ng kanyang mga painting

SA kawalan ng kinikita, pagpipinta ang ginagawa ngayon ni Jao Mapa na ipino-post niya sa kanyang Instagram account na puwedeng makita ng mahihilig sa paintings.

Walang regular show si Jao at kailangan niyang kumayod para sa pamilya.

Aniya, “I do livestreams in Yippi, minsan nagpipinta or kumakanta. So far painting keeps me busy.”

May ipinost kamakailan ang aktor na nag-alala siya sa kanyang panganay na anak na si  Ben, 17, dahil nakitaan ng bukol at kailangang operahan.

“He went through an operation, had a biopsy turns out kulani lang,” sabi ni Jao.

Ipinost din nito ang mensahe sa kanya ng doktor na nag-opera sa anak, “reactive lymphadenitis ang nakuha na bukol. Benign mass hindi malignant. Observe lang if magrecur.”

Ang caption ni Jao, “Thank you everyone for your prayers, this is the message from our doctor friend doc. Louie. God is good. Love you God the Father for keeping our son Ben safe from harm.”

Samantala, nitong Agosto 29 ay nagdiwang ng kaarawan ang binatilyo ng aktor, “we’ve watched you grow and have made us the proudest parents in the entire planet, may our mighty Father continue to shower you w/ abundant blessings. Happy Birthday son we love you very much.”

Mapapanood si Jao sa Yippi Livestream na may titulong Jao’s Art Jam, Sunday, 5:00 p.m. @YIPPY ADD YIPPI ID @Dragon76.

Inamin din sa amin ng aktor na, “nagpapasalamat sa Diyos dahil sa mga painting nakararaos sa Covid na ito.

 

FACT SHEET
ni Reggee Bonoan