Sunday , May 19 2024
ombudsman

Mayor, 9 pa kinasuhan ng transport group

SINAMPAHAN na ng kaso ng transport group sa Tanggapan ng Ombudsman ang dating alkalde at mahigit siyam na iba pa dahil sa pangha-harass sa kanilang mga opisyal at miyembro.

Batay sa 12-pahinang reklamo na may petsang 14 Pebrero 2020 na isinampa ng Common Transport Service Cooperative na kinatawan ni Deltha Bernardo bilang general manager, kasama ang board of directors at mga opisyal nito na sina Antonio Managbanag, Jr., Antonio Namatay, William Cruz, Joeje Tubal, Maureen Dionson, Joel Namoro, Ma. Imelda Ferrer, John Pascua, McJohn Gravalos at Ramon Dionson, nahaharap sa kasong paglabag sa Sec. 3 (e) at (f) ng Republic Act No. 3019 at grave misconduct, oppression at acts prejudicial to the best interest of the service sina dating Rodriguez, Rizal Mayor Cecilio Hernandez, Engr. Alexander Almario, Danny Santos, Virgilio Calag, Brgy. Chairman Karen Mae Hernandez, Brgy. Sec. Rose Marie Bayanado, Brgy. Exec. Officer Germogenes Didulo, Erlyn Abrigo, Jojo Brender, Rosanna Brender at ilan pang John Does.

Nakasaad sa reklamo na nag-ugat ang kaso sa sinabing pangha-harass sa kanila ng mga akusado nang lumabas ang kanilang 15 unit ng modern jeep sa ilalim ng PUV Modernization Program ng DOTr.

Aniya, sa utos ni Pangulong Rodrigo Duterte ay nakabili sila ng isang lupain na ginawang terminal at garahe sa San Isidro, Rodriguez, Rizal.

May hawak umano silang dokumento, kontrata at titulo ng lupa ng pagmamay-ari nito.

Pinalalabas umano ni Hernandez na pag-aari niya ang ginawang terminal ngunit walang maipakitang dokumento.

Hindi rin umano sila mabigyan ng permit ng kasalukuyang mayor na anak ng dating alkalde.

Idinagdag nito na mas pinaboran ng dating alkalde ang mga colorum na PUV sa Rodriguez.

Napag-alaman, ipinatawag sa munisipyo ang transport group, HOA, mga estudyante at iba’t ibang grupo sa bayan ng Rodriguez para lumagda sa isang manipesto na nagsasaad na hindi sangkot sa droga ang mag-amang Her­nandez.

Matatandaan, ang mag-amang Cecilio at Dennis Hernandez at isang board member ay napasama sa narcolist ni Pangulong Rodrigo Duterte.

About hataw tabloid

Check Also

Arrest Posas Handcuff

Gunrunner nasakote sa submachine gun

DINAKIP ng mga operatiba ng  Quezon City Police District (QCPD) ang isang gunrunner makaraang makompiskahan …

Groundbreaking ng Level III regional hospital hudyat ng pag-asa para sa Lagunenses

Groundbreaking ng Level III regional hospital hudyat ng pag-asa para sa Lagunenses

PARA higit na makapagbigay ng kalidad na serbisyong medikal sa mga Lagunenses, sinimulan nang itayo …

DANIEL FERNANDO Bulacan

 Fernando determinadong tuparin ang pangako sa bawas trapiko at ligtas na komunidad

Determinado si Gobernador Daniel R. Fernando na tuparin ang kanyang pangako na bawasan ang trapiko …

4 drug trader tiklo sa Bataan buybust

4 drug trader tiklo sa Bataan buybust

NASAKOTE ng mga ahente ng Philippine Drug Enforcement Agency (PDEA) Bataan Provincial Office ang isang …

Kolektor ng pautang hinoldap sa palengke, binoga ng riding-in-tandem

Kolektor ng pautang hinoldap sa palengke, binoga ng riding-in-tandem

DEAD-ON-THE-SPOT ang isang ginang na sakay ng tricycle matapos holdapin at barilin ng mga lalaking …

Leave a Reply

Your email address will not be published. Required fields are marked *